حكاية روووعة

كان يا مكان في قديم الزمان واحد شيخ قبيلة كان عندو لولاد بزاف وصغير فيهم كامل وسمو دياب وهو الذكي فيهم وكان حاير شكون يلي يكون الزعيم موراه .واحد اليوم قالتلو مرتو بلي كاين مشكل عائلي في دار باباها لازم نروح نعونهم ونسيي نحلو معاهم قاللها لالا ماتروحيش كي طلع صباح راح راجلها ليتفقد شؤون قبيلتو وهي علابالها بلي يطول مالا قالت نروح ونولي قبل مايجي مي صح هاداك ليوم هو رجع بكري سقسا ولادو قاللهم وين راهي يماكم قلولو راحت لدار دنا امالا بعثلها واحد من ولادو باش يقوللها قالك بابا لازم تحلي هاد اللغز باش نسمحلك تدخلي للدار .. كان اللغز بزاف صعيب حاولت مع عائلتها وجيرانها باش تحل اللغز ميبصح ماقدرتش قالت انا يسلكني غير وليدي دياب كي طلع صباح راحت تحوس عليه وهو يدل يسرح بلكباش في كل بلاسة كي صابتوا حكاتلو ماش صرالها وقالتو عاوني على هادا اللغز لي قالهولي باباك يلي هو:الماء واش يغلبو والعقبة شكون يغلبها والفرسان شكون يغلبهم ونسا شكون يغلبهم.. قالها اسمعي مليح روحي قوليلو :الماء يغلبو العقبة والعقبة يغلبها الفرسان والفرسان يغلبوهم نساهم والنسا يغلبوهم ولادهم ..راحت لدار لراجلها قاتلو الحل هو.....قالها اكيد دياب لي عاونك قاتلو ماشفتو ماولو سقسا دياب قالو من راحت لدار جدي ماشفتها..قالهم علابالي بي هو عطاك الحل وراح دار اجتماع وقال فيه كي نموت انا يكون دياب هو الزعيم في مكانييي

:heart
حلوة بنتشكركم

شكرا
هايلة